انا ضد الجوازة دي وقصتي مش سهلة

هو أنا كده كسبت جوزي ولا بعدته عن أهله
هو لما كرههم عشاني هيفضل يحبني ولا هيجي عليه وقت يحاسبني
ومع الوقت فعلا بدأ يتغير
بطل يكلم إخواته ولا حتى يسأل عنهم
وأنا من ناحيتي بدأت أحس بتأنيب ضمير لإن جوزي حتى لو غلط برضو إنسان وأهله مهما كانوا ليهم حق عليه
والمىصيبة إن جهاز جوازي لسه هناك في البيت القديم وكل ما أفتكر أحس إني سايبة نصي ورايا
عدى على بعدنا عن العيلة 6 شهور
الحمد لله فيهم ولدت وجبت الولد اللي كان نفسي فيه وجوزي فرح بيه فرحة غير عادية
رجع يتكلم مع أهلي تاني وبقى يزورهم معايا وبقى في هدوء نسبي
بس في قلبي فيه حاجة مش مطمنة
أنا خايفة يرجع يفكر في الجوازة دي تاني
وخايفة كمان من مصاريف الإيجار والمدارس والأكل واللبس خصوصا مع طفلين والدنيا غليت
بقعد كتير أسأل نفسي
هل الغيرة خلتني أضحي بكل ده
وهل كنت صح لما بعدته عن أهله
وهل الرجوع للبيت القديم فيه خطر على استقراري
ولا البعد هيفضل نار هادية تحت السطح هتطفي الحب
أنا دلوقتي في مفترق طرق
يا إما أرجع البيت القديم بس بشروطي وباحترام وبحدود واضحة
يا إما أعيش بعيد بس لازم أواجه الواقع الحياة مش وردي والبعد ليه تمن
العبرة من القصة
في حياتنا الزوجية دايما بييجي وقت بنتحط فيه قدام اختبارات صعبة
اختبارات ما بين مشاعرنا الغريزية زي الغيرة والرفض والوجىع وما بين المنطق والمصلحة والاستقرار
بطلة القصة اللي حكت حكايتها عاشت صىراع مش سهل
بين إنها تبقى الست الوحيدة في حياة جوزها زي ما بتحلم كل واحدة
وبين إنها تتفهم وضع إنساني معقد زي وقاة أخو جوزها ووجود أربع بنات صغيرين محتاجين رعاية
لكن لما القلب بيتوجىع
والمخ بيتلخبط
والبيت يتحول لساحة معىركة
بتكون القرارات أحيانا نابعة من لحظة انفعال مش من حكمة
هي اتكلمت بلسان كل ست بتحب جوزها وبتخاف عليه وبتغير عليه وبتشوفه كل حياتها ولما حست إنه ممكن يتقاسم الدنيا ضاقت عليها
مش لأنها شىريرة أو أنىانية لكن لأنها مجىروحة وعندها خوف من الهجر والخذلان
لكن لما الصذمة عدت والبيت اتنقل والهدوء رجع بدأت تسأل نفسها أسئلة حقيقية
هل أنا كسبت فعلا
ولا بعدت جوزي عن أهله وقللت حبه ليهم
هل أنا اتعاملت مع المشكلة بعقل
ولا خدت قرارات مصيرية وقت الغليان
وهنا تظهر العبرة