خليت ولادي الاربعه خرجوا
خلاص يا ماما انا عاوزك تهدي بالله عليكي وانا هطلع اكلمها دلوقتي واخر مره تكرر حاجه زي دي
بيروح سايبها وبيطلع علي فوق
جمال بحده
اي الي انتي بعتاه لامي ده ان شاء الله هو في حد قالك ان امي بتاكل من الزباله
بسمله
اي الكلام العبيط الي انت طالع تقولو ده هيه المحروسه امك لحقت تسخنك عليا وطالع مش طايق نفسك كده
جمال
انا امي مقلتش حاجه انا شايف كل حاجه بعيني
بقا يا مفتريه منزله طبق الفول لامي انا شايفو في التلاجه بقالي اسبوع وفي الاخر تنزلهولها
بسمله
مش احسن ما ارميه دا جزاتي يعني ان مش عاوزه ارمي حاجه وفي الاخر طالع تزعق ليا بالشكل ده
جمال
انا فاهم قصدك كويس بس متعرفيش ماما قالت ليا اي خلتني اضايق تصوري ان هيه جلبت المعاش بتاعها وانتي عارفه لو هيه خدتو مش هنلاقي عيش حاف
بسمله
انا مش فاهمه مامتك عامله كده ليه وعاوزه تضيقها عليك بالشكل ده واحده غيرها تقول انا هعمل اي بالفلوس واديها كلها لابني
جمال
سيبك من الكلام ده انا كل الي انا عاوزو تخفي علي امي شويه وتسايسيها والأكل الي بناكل منو نزليها منو مش هتنفضي حاجه يعني
بسمله
بس كده من عنيا انت تامر امر انا بقا عاوزاك تفك وشك ده بدل ما انت مكشر كده مس عاوزه بابا لما يشوفك يفتكر ان انت مضايق علشان هو موجود
وفي البيت عندي بلاقي محمد ابني جلي بيقول
محمد.
المستر احرجني النهارده يا ماما علشان السهر الي متاخر وهاوز فلوس الشهريه وقال لو مجبتش الفلوس مش هروح ليه الدرس تاني الا وانا معايا الشهريه
سنيه
طب اهدي بس يا بني وان شاء الله ربنا يفرجها انا عامله لزبونه كام حته مخيطاهم لو جت وخدتهم بكره خد حقهم وادفع الفلوس
محمد
ربنا يخليكي يا ماما انا مش عارف من غيرك كنا عملنا اي وبيروح داخل جوه
وبيعدي يومين وجمال بيكون واقف في المطبخ وعمال يزعق
بسمله
في اي يا حمال مال صوتك عالي بالشكل ده اي الي حصل يا راجل انا قومت مفزوعه
جمال بحده
اي القرف الي انا شايفو غي المطبخ ده دا انا كنت هرجع هو دا منظر مطبخ يا ست هانم
المواعين بقالها اد اي متغسلتش دي فيها حاجات تقرف
بسمله
بقا انت عامل كل الغاغه دي علشان شويه المواعين في الخوض انت بقا عاوزني اعمل اي يعني انا مش فاهمه
جمال
اي الي انتي مش فاهمه شوفي اي البيت نقصو اي واعمليه بدل ما انا حاسس ان انا قاعد في زريبه
هو ده منظر بيت بنادمين قاعدين في برضو
بسمله
بقولك اي يا جمال انا مليش في الوجع القلب والترويق ده
ولو مش عاجبك منظر البيت جيب واحده تعملو انا هنا علشان ادلعك اما اوضب والكلام ده انا مليش فيه
جمال
اي الكلام العبيط الي انتي بتقوليه ده انال لو معاكي اربع عيال زي سنيه كنتي عملتي اي
دا مفيش مره ارجع البيت الا لما الاقيه مرايا
بسمله
حلو الكلام ده هو انت دلوقتي بتبداها مقارنه بقولك اي انا مش علي ايدك علشان تتجوزني
لو نسيت افكرك انت الي حفيت ورايا علشان اوافق بيك
جمال بغيظ
ماشي يا بسمله اديني اسكت وياريت تشوفي اي الي ناقص في الشىقه واعمليه ولا انتي عاجبك منظر الشىقه ده
بسمله
خلاص يا جمال لما الاقي نفسي رايقه ابقي اعملو ربنا يسهل وقول يارب
وبيقاطع كلامهم خبط علي الباب وبتكون سماح جارتهم
بسمله
في اي يا ست انتي مالك بتخبطي بالشكل ده هو انتي اتجننتي ولا اي
سماح بصوت واطي
