بلاغ الي الشرطة
جاءت نادية والحزن والألم واضحان عليها بشدة ثم جلست ….
انتي قولتي يا نادية ان شمس كانت صحبتك واكتر من اختك صح
ايوه .
تعرفي حد من قرايبها
شمس كانت مقطوعة من شجرة وملهاش حد وده كان مطمع الناس فيها بس هي كانت جدعة وبمليون رجل ومش ممكن تكون حامل ابدا .
يعني مفيش حد كان بيسأل عليها ولا هي كانت بتزور حد من قرايبها
بقول لحضرتك كانت مقطوعة من شجرة مفيش الا مرات ابوها اللي جتلها مرتين تزورها علشان كانت عاوزة تجوزها لأخوها شعبان .
اخوها ده كان معاها
ايوه في المرتين لما شافها اول مرة كان ھيموت عليها وحبها اوي لكن هي رفضته لأنها كانت مش بتحب مرات ابوها .
كان امتي لما مرات ابوها واخوها كانوا عندها
الكلام ده من ٣ او ٤ شهور تقريبا .
تعرفي عنوان مرات ابوها
ايوه هي اعطتني عنوانها قبل ما تمشي اخر مرة وقالتلي لو قدرتي تقنعيها انها تتجوز اخوها هتديني فلوس كتير .
تفتكري ممكن يكون لمرات ابوها او اخوها يد في قـــ,ټلها
لا . مسعد الكهربائي هو اللي قــ,ټلها .
ضحك الضابط وقال ولو مش مسعد اللي قــ,ټلها ممكن مرات ابوها او شعبان اخوها لهم يد في قــ,ټلها
اه ممكن دول ناس كلهم شړ وياما عذبوا المرحومة .
قولي لي عنوان مرات ابوها بسرعة .
اخذ الضابط سليم العنوان و جاء بعد ساعة واحدة ومعه مرات ابو شمس واخيها شعبان .
بدأ التحقيق مع شعبان الذي وضح عليه معالم الاجرام .
اسمك وعمرك وعملك
اسمي شعبان عندي ٣٤ سنة علي باب الله .
يعني ايه علي باب الله شغال ايه
علي باب الله مليش شغل .
انت ليك سوابق
ايوه يا بيه لسه خارج من عشر سنين سجــ,ن .
كنت مسجــــ,ون في ايه
مخډرات .
والمرة دي هتدخل السچن في قتل .
قتل ايه يا بيه انا برئ والله ما قټلت حد .
انت اللي قــ,تتلها اعترف بالذوق كده علشان مش عايز استخدم معاك اسلوب تاني مش هيعجبك .
قټلت مين يا بيه انا والله ما اعرف انتوا جايبني هنا ليه .
قټلت شمس بنت جوز اختك .
هي شمس مــ,اټت !!! يا وقعة سودة يا ولاد !! بقي البت اللي زي الملاك دي تتقتل !!
انت هتمثل يلا وهتعمل الشويتين دول علينا
والله يا بيه ما اعرف حاجة عن الموضوع ده الا من سيادتك دلوقتي .
يعني مش انت اللي قــ,ټلتها
يا بيه انا كنت محپوس في خناقة بقالي اكتر من اسبوعين ولسه خارج اول امبارح معرفش حاجة .
انت بتحور عليا يا شعبان
يا بيه حضرتك ممكن تسأل زمايلك اللي في القسم عندنا وتتأكد بنفسك .
هنأكد يا شعبان بس لو طلعت بتكدب فيها اعـــ,دام يا شعبان .
حاضر يا بيه لو كنت بكدب اشنقوني .
ثم بدأ التحقيق مع زوجة الاب …..
اسمك وعمرك وعملك
اسمي نعيمة عندي ٥٨ سنة مبشتغلش يا بيه .
تعرفي ايه عن القــ,تيلة
قـــ,تيلة مين يا بيه
شمس بنت جوزك .
شمس مـــ,اټت !! يا ضنايا يا بنتي .
يعني زعلانة علي مـــ,ــۏتها يا نعيمة
ايوة يا بيه طبعا دا انا اللي مربياها .
ومنين الحنية دي يا نعيمة ده اللي
اعرفه انك كنتي معذباها
يابيه العشرة متهونش الا علي ولاد الحړام . صحيح يمكن اكون قسيت عليها شوية زي اي ام مع ولادها لكن انا اللي مربياها و في عشرة بينا .
كونتي عاوزة تجوزيها لأخوكي شعبان ليه يا نعيمة
زي اي حد لما يتجوز يا بيه . البت كانت حلوة وكنت عاوزة اخدها لاخويا .
ولما رفضت قـ,ــتلتيها صح
لا والله يا بيه ما اعرف حاجة عن الموضوع ده الا من سيادتك دلوقتي .
يعني مش انتي اللي قـ,ــتليتيها
يا بيه انا مش اقدر ادبح فرخة هقتل انسانة وكمان انا اللي مربياها !!
لو طلعتي بتكدبي يا نعمة هتتشنقي .
