كعب رجلك
السر اللي بيخلوه في الكوافيرات لنفسهم…
إزاي تخلي كعب رجلك وردي وناعم زي الأطفال في 3 أيام بس!
لو زهقتي من تشققات الكعب وشكله الخشن اللي بيضايقك…
يبقى جهزي نفسك للوصفة السحرية دي.
بصفتي صيدلي، التركيبة دي عبقرية وبسيطة، وهقولك ليه كل مكون فيها فعال.
”تركيبة الكعب الوردي” السحرية:
المكونات:
كريم كارباميد:
ده المقشر السحري بتاعنا. فيه مادة “اليوريا” اللي بتشيل كل طبقات الجلد الميـ,ـت وتطري الجلد الخشن.
كريم بانثينول:
ده ملك الترطيب والترميم. بعد ما الكارباميد بيقشر، البانثينول بيدخل يهدي الجلد ويرطبه بعمق ويساعد على تجديده.
دم الغزال:
نقطة صغنونة خالص من عند عطار موثوق منه.
وده هيدي اللون الوردي الطبيعي الجميل اللي كلنا بنحبه.
مهم: نقطة واحدة بس عشان اللون ميبقاش قوي زيادة!
الطريقة:
هاتي علبة نضيفة فاضية.
فضي فيها أنبوبة الكارباميد وأنبوبة البانثينول.
حطي نقطة واحدة من دم الغزال.
اخلطي كل حاجة مع بعض كويس جدًا لحد ما اللون يبقى متجانس.
طريقة الاستخدام عشان تاخدي أحسن نتيجة:
كل يوم بالليل قبل ما تنامي…
ادهني طبقة حلوة من الخلطة على كعب رجلك.
البسي شراب قطن ونامي بيه.
وشوفي بنفسك الفرق في النعومة واللون من أول كام يوم!
وداعًا للتشققات وأهلًا بكعب رجل يفتح النفس!
مين هتجرب الوصفة السحرية دي؟ يلا منشن لصاحبتك اللي عايزة تجربها معاكي!
صلي علي النبي
واحد صحبي بيحكيلي:
حبيت ألعب بديلي في بداية الجواز، فعزمت زميلة ليا على غدواية حلوة وخرجنا قضينا وقت لطيف مع بعض.
وبعد ما خلصنا وسابتني وروحت إكتشفت إن ريحة البرفيوم بتاعها معلمة في هدومي رغم إني ملمستهاش إلَّا وقت ما سلمت عليها ووقت ما عديت معاها الشارع
فكرت يومها أتوكل على اللّٰه وأروح وبعد ما ركبت الميكروباص وخلاص كنت هتحرك على البيت إفتكرت إن مراتي حاسة الشم عندها قوية ومش بعيد تقفشني لأن ربنا مبيسترش خــ.ونه
فرنيت على زميلتي سألتها على نوع البرفيوم ونزلت إشتريت عشرين جرام وروَّحت وأنا مطمن وحاطت في بطني بطيخة صيفي وسبحان اللّٰه اللي حسبته لقيته وبمجرد ما قربت مني سألتني بإستغراب أومال إي الريحة الحلوة دي؟
فرديت عليها بإبتسامة ريحتك يا حياتي وخرّجت الإزازة من جيبي بكل رومـ,ـانسية وقولتلها إتفضلي
ففرحت كأي زوجة زوجها بيفتكرها بهدية لدرجة إن يوميها رطَّبت عليا في الطبخ بأحلى صينية مكرونة بالبشاميل أكلتها في حياتي
فإتطمنت من ناحيتها على الآخر وحمدت ربنا إنه سترني وإتعاملت مع الموقف عادي….
لحد ما سألتني وإحنا على فراش النوم أومال مين اللي دلك على نوع البرفيوم اللطيف ده يا أخويا؟؟؟؟؟
إبتسمت وقولتلها واحد صاحبي كان بيجيب لمراته فقلت وهي أحسن منك في إيه يعني تتهادى وإنتي متتهاديش
قالتلي ده صحبك مين اللي ذوقه عالي ده؟
فقولتلها مصطفى عبدالرؤوف
فضحكت ضحكة شـ,ـريرة وقالتلي ماشي…
ورابع يوم بالظبط رجعت من الشغل لقيت مرات مصطفى اللي عمرها ما دخلت بيتنا لا هي ولا جوزها بذات نفسه قاعدة معاها في الأنترية وإزازة البرفيوم قدامهم على التربيزة
Post Views: 515
